In 2022 het 'n nuwe era van laerskool in Kroonstad begin met die opening van Trio Primêr wat voortgespruit het uit die amalgamasie van die destydse Kroonheuwel Primêr en Sentrale Volkskool. Hierdie was die gevolg van verskeie faktore wat insluit COVID-19 en vele finansiële uitdagings as gevolg van:

• Die Regering se besnoeiing van die begroting van die Departement van Onderwys.

• Dalende leerdergetalle van Afrikaanssprekende leerlinge.

• Ouers se betaalvermoë.

(voortspruitend uit ekonomiese omstandighede in Suid-Afrika as geheel en VERAL die Vrystaat provinsie)

Ek as 'n Graad 7-leerder wil oor 10 jaar met trots terugkeer en spog oor my laerskool. Trio lewer jaarliks talle uitblinkers op akademiese-, kulturele- en sportgebied. Kom wees deel van ons suksesverhaal!

Ons doen ‘n beroep op u om ‘n bedrag van R1000 te skenk ten einde ons groep in staat te stel om ons doelwit te bereik en ons merk te maak, sodat Trio kan uitstyg as baken van hoop, vir ons dorp Kroonstad! In ruil vir u donasie sal ons u vereer deur u naam op die Trio Gilde aan te bring en so word u vir ewig deel van die Trio Primêr nalatenskap.

Hartlike groete.
Leerderraad 2025
#TrotsTrio
(NS: Maak Trio trots – streef na Goud!)